Hvað veist þú um fíkjur? Fíkjur eru sætar á bragðið og með mörgum smáum fræjum innan í. Sætar í fíkjunum veldur því að krakkar geta verið sólgnir í þær. Það er einmitt ástæðan fyrir því að börnin sækja í Fíkjubita frá Frón.

Fíkjur eins og þær sem finna má í Fíkjubitanum frá Frón hafa fylgt manninum í sögu og bókmenntum um þúsundir ára. Í Guðbrandsbiblíu, sem Guðbrandur Þorláksson, biskup á Hólum þýddi og kom fyrst út á prenti árið 1584,  segir meðal annars um þau Adam og Evu, fyrsta mannfólkið, að þau hafi fest saman blöð af fíkjutré og búið sér til laufkyrtla til að skýla nekt sinni í Paradís. 

Fíkjur koma jafnframt fyrir í arabísku ævintýrasögunni Þúsund og einni nótt og fleiri sögum. 

Þetta er fíkja

En hvað er fíkja? Fíkja er aldin sem vex á fíkjuviðartré en þau eru algeng í heitari löndum sunnarlega á hnettinum, svo sem í SA-Asíu og við Miðjarðarhaf en líka allt frá Afganistan til Portúgal. 

Fíkjur eru á stærð við dúfuegg eða um 2-3 sentimetra langt og 2 sentimetra breitt. Fíkjur eru sætar á bragðið og með mörgum smáum fræjum innan í. Algengt er að þurrka fíkjurnar og nefnast þær þá gráfíkjur. Þær hafa líka fengið það skemmtilega nafn Kóngaspörð. 

Næringarríkar fíkjur

Á vefsíðu Heilsutorgs kemur fram að fíkjur eru afar næringarríkar (þær innihalda meðal annars kalíum, járn og kalk) og hafa öldum saman verið notaðar til að meðhöndla sjúkdóma. 

Við hjá Frón höfum lengi vitað af gagnsemi fíkja. Fíkjurnar í Fíkjubitanum frá Frón eru góðar á bragðið og einkar vinsælar hjá bæði krökkum og konum og köllum með skalla. 

Bættu Fíkjubitanum frá Frón á innkaupalistann og njóttu þess svo að narta í hann bæði með kaffinu og á milli mála. Fíkjubiti er nefnilega alltaf bestur núna. 

 

Deila |