Fíkjukex hefur verið vinsælt á Íslandi lengi, enda passa sætar fíkjurnar einstaklega vel með hvítu kexinu. Fíkjur hafa fylgt mannkyninu í þúsundir ára svo það er ekki skrítið að margir séu hrifnir af Fíkjubitunum frá Frón.

Talið er að fíkjur hafi fyrst verið ræktaðar í Egyptalandi til forna. Krítverjar tóku við sér í framhaldinu og um 900 fyrir Krist fóru Grikkir að rækta fíkjur. Fíkjur voru raunar taldar svo mikilvægar í Grikklandi að lengi vel var bannað að flytja út bestu fíkjurnar.

Rómverjar lærðu margt af Grikkjum og frá þeim fengu þeir ást á þessum sæta ávexti. Fíkjur voru taldar heilagir ávextir í Róm þar sem úlfynjan sem sögð er hafa gefið stofnendum Róm, Romulusi og Remusi, mjólk sína á einmitt að hafa gert það undir fíkjutré.

Fíkjuræktun barst út um sunnanverða Evrópu og Spánverjar fluttu með sér fíkjutré til Vesturheims á 16. öld. Fíkjur bárust að lokum til Kaliforníu og er það ríki Bandaríkjanna nú einn helsti fíkjuframleiðandi heims þó mikið sé einnig ræktað í Tyrklandi, Grikklandi, Portúgal og á Spáni.

Ferskar fíkjur í verslunum

Þeir sem eru hrifnir af Fíkjubitunum frá Frón ættu að prófa ferskar fíkjur þegar þær eru fáanlegar í verslunum. Þurrkaðar fíkjur fást allan ársins hring en frá júní og fram á haust má finna ferskar fíkjur frá Kaliforníu og Evrópu í ávaxtaborðum stórmarkaða.

Ferskar fíkjur eru góðar einar og sér en það er líka hægt að prófa sig áfram með skemmtilegar uppskriftir. Sjónvarpskonan röggsama Martha Stewart lumar til dæmis á uppskriftum með ferskum fíkjum á  heimasíðusinni. Hér má einnig sjá tíu uppskriftir með fíkjum sem vert er að skoða, til dæmis dásamlegum beikonvöfðum fíkjum.

Ekki gleyma að setja pakka af Fíkjubitum frá Frón í innkaupakerruna næst þegar þú verslar í matinn. Og ekki er verra að kíkja í ávaxtakælinn og sjá hvort til eru ferskar fíkjur sem hægt er að gera eitthvað gott úr.

Deila |