Gott er að njóta Frónkexins með vinnufélögunum

Flestir sem komnir eru til vits og ára eyða meirihluta sinna vökustunda í vinnunni. Tilgangurinn með vinnunni er fyrst og fremst að eiga í sig og á, en það fylgir henni svo mikið meira.

Vinnan er staðurinn þar sem hæfileikar hvers og eins fá að njóta sín, þar sem ef til vill löng og ströng menntun er nýtt í verki, og vinnan sinnir ekki síst félagslegu hlutverki.

Í vinnunni reynir ekki síður á félagslega hæfileika en þá verklegu, og vinasambönd myndast jafnvel til framtíðar. Það gerist þegar stund gefst á milli stríða. Í hádegishléinu eða kaffipásunni, þegar verkefnin eru lögð til hliðar og tækifæri gefst til að spjalla um allt og ekkert.

Frónkexið fullkomnar góðar tengslastundir í vinnunni. Kaffibolli og ljúffengt súkkulaðikex eða gamla góða Mjólkurkexið gefa tóninn fyrir góðu spjalli áður en tekist er á við verkefni dagsins.

Sóló, Póló, Kósí, María eða Café Noir henta súkkulaðiunnendum, Fíkjubitar eru uppáhald margra og svo standa Matarkexið og Mjólkurkexið alltaf fyrir sínu. Eigið góðar vinnustundir með Frónkexi.

Deila |